يامرحبا بسم الجماعه والاقراب | من طيب راس اقولها بالنيابه
بالليله اللي نورها بالفرح طاب | وابدا بها عنوان خط الكتابه
ربعي هلا الطلات شبن وشياب | ومع النبي مشهود منا صحابه
والعين هي وحجاجها مثل الاهداب | ونعم بربعي كلهم كل لابه
من بعدها مافيه عذرن ومجناب | دون الرجال اهل الوفا لاغرابه
من روس ربعي من معازيب وانساب | كلمة حبيشي جامعتهم صلابه
نعم النسب مع القبيله والا للقاب | كلن بجده ينتمي بالقرابه
الاصل واحد بالقرايات وكتاب | ربعي حبيش ان جاء نهار الحرابه
سعيد اخوانه صقورن بمرقاب | راس الفخر والعز يومه رقابه
وجميل واخوانه لنا متن الارقاب | والمتن يدع الراس كلن يهابه
وجهنان ربعي بالعفو فكو الباب | مطلوبهم فك السجن منه بابه
وكم غيرنا بالناس لاجات الانشاب | كلن يماري في فعوله جوابه
سعد نعم ومثله الربع واصحاب | سلامه ايشاركم بقافن عنابه
مبروك محفلكم حضورن وغياب | عسئ الفراح دايم معاكم ركابه
الرد من الشاعر سعيد مسلم الحبيشي
دام البقاء من خاطرا كله اعجاب | بالشاعر اللي كل طيبا لفابه
مجملا ربعه وللطيب كساب | مشرفا في كل دربا مشايه
شجيع في وقفتك يحسبلك حساب | لسلم سلم واللحرابه حرابه
سلامه اللي نجم طالع ولا غاب | راع اللزوم اللي يشرف جنابه
شاركتنا حظورك ومعذور من غاب | واللي حظر يامرحبا ياهلابه